Сентябрьнең икенче декадасында һава торышының нинди булачагы билгеле

Татарстанда әбиләр чуагы урнашты – якын көннәрдә температура климатик нормадан 2-3 градуска югарырак булачак. Җылы һәм коры һава торышы 17 сентябрьгә кадәр сакланачак. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.

«Календарь җәй салмак кына әбиләр чуагына күчте. Узган ел да сентябрь башында Татарстанда шундый ук хәл булды, җылы көннәр озакка сузылган иде», - дип билгеләп үтте Феликс Гоголь.

Ул аңлатканча,әбиләр чуагы – һава торышының чагыштырмача явым-төшемсез, җылы чоры. Календарь буенча җәй тәмамланды. Бу көзнең кыска вакытлы «җәе», – диде ул.