د پاکستان په امر له هغه هېواده د افغان کډوالو کډې خپل هېواد ته روانې دي. دا ستنېدنه په اګست میاشت کې په رضا وه خو د سېپټېمبر له پیله په جبري توګه پیل شوې ده. د خیبر پښتونخوا په ښوونځیو کې افغان کډوال زده کوونکي وايي خپلو زده کړو ته اندېښنه لري. دوی وايي په دې ډارېږي چې تعلیمي سلسله به یې ټکنۍ او کال به یې ضایع شي. د افغان سټډي سنټر په نوم یوه څیړنیزه اداره وايي چې د خیبر پښتونخوا په بېلابېلو ښوونځيو کې له ۳۰۰،۰۰۰ زیات افغان کډوال ماشومان په زده کړو بوخت دي. نور حال د مشال راډیو په دې راپور کې وګورئ.
