Афғонистонда "гуноҳларга қарши курашиш" баҳонасида интернетни чеклашмоқда
0
Афғонистон ҳукумати “гуноҳларга қарши кураш” баҳонасида оптик толали интернетни чеклашни бошлади, деб Kursiv media хабар берди.
“Толибон” кўрсатмасига биноан Балх вилоятида интернетга кириш тўлиқ тўхтатилган. Ҳукумат бу қарорни “ахлоқсизликка қарши кураш” деб изоҳламоқда.
Оқибатда паспорт хизматлари ва божхона иши издан чиқди. Кандаҳорга 6 нафар вазир юборилди ва чекловлар бошқа ҳудудларга ҳам кенгайиши мумкин. Журналист Билол Сарварий маълум қилишича, Мазори-Шарифда губернатор билан алоқа вазири ўртасида келишмовчилик чиққан. Қобулда эса қаттиқ чекловларга қарши бўлганлар бор.