Махсус операция ветераны Илнур Якупов Биектау районында депутат булды

Махсус операция катнашучысы Илнур Якупов Биектау районының Красносельский авыл җирлеге депутаты булды. Депутат вәкаләтләре вакыты – биш ел.

Илнур Якупов махсус операция ветераннарын тыныч тормышка яраклаштыруга юнәлдерелгән «Батырлар. Татарстан Геройлары» республика программасында катнаша. Программа кысаларында аның остазы – Биектау районы башлыгы Равил Хисаметдинов була.

Ике ай эшләү дәвамында Илнур Якупов бай практика узган: гражданнарны кабул итүдә, авылдашлар җыелышларында катнашкан, район администрациясендә – башкарма комитет бүлекләрендә, административ-техник инспекциядә, җир-мөлкәт мөнәсәбәтләре палатасында булган.

Хәзер депутат Совет утырышларында катнашачак һәм үз җирлеге халкы өчен әһәмиятле булган мәсьәләләрдә тавыш бирәчәк.

Элегрәк Татарстан Рәисе Рөстәм Миңнеханов Мәскәү Кремлендә Россия Президенты Владимир Путин белән очрашуда республикадан махсус хәрби операциягә, мобилизацияләнүчеләр һәм контрактникларны да кертеп, 38 169 кеше китүе турында сөйләгән иде. «Бездә 15 Россия Герое бар, шуларның җидесе бу исемгә үлгәннән соң лаек булды. Республикадан 1829 хәрби хезмәткәр Батырлык ордены белән бүләкләнде», – диде ул.

«Батырлар» программасы махсус операция катнашучыларының лидерлык сыйфатларын ачарга, алардан яңа идарәче команда төзергә тиеш.

Фото: Биектау районының матбугат хезмәте.