Жаҳон чемпионати иштирокчиларининг кўпчилиги маълум

Жорий ҳафтада Европа саралаш босқичининг сўнгги ўйинлари якунланди. Уларнинг натижасига кўра, Австрия, Бельгия, Испания, Швейцария ва Шотландия терма жамоалари жаҳон чемпионати финал босқичига тўғридан-тўғри йўлланма олди.

УЕФАга қарашли яна тўртта иштирокчи март ойида бўлиб ўтадиган плей-офф учрашувлари орқали аниқланади. Ҳозирги кунда, мундиалда қатнашадиган 39 та жамоа маълум бўлди.

Тўлиқ рўйхат қуйидагича: АҚШ, Канада, Мексика, Австралия, Эрон, Япония, Иордания, Қатар, Саудия Арабистони, Жанубий Корея, Ўзбекистон, Жазоир, Кабо-Верде, Миср, Гана, Кот-д’Ивуар, Марокаш, Сенегал, Жанубий Африка, Тунис, Аргентина, Бразилия, Колумбия, Эквадор, Парагвай, Уругвай, Янги Зеландия, Австрия, Бельгия, Хорватия, Англия, Франция, Германия, Нидерландия, Норвегия, Португалия, Шотландия, Испания, Швейцария.