Малдини Милан дербиси ҳақида фикр билдирди

Милан клубининг афсоналий собиқ ҳимоячиси Паоло Малдини яқинлашиб келаётган "Милан" ва "Интер" ўртасидаги дерби ҳақида ўз фикрларини билдирди. "Россонерилар" ва "Интер" жамоалари ўртасидаги баҳс якшанба куни А Сериянинг 12-тур доирасида бўлиб ўтади.

"Менимча, ўйин тенг даражада ўтади. Сўнгги йилларда дербилар ғалати кечмоқда: биз "Интер"га қатороасига олтита ёки еттита ўйинда ютқазганмиз, аммо ўша даврда чемпион бўлдик.

Кейинчалик ишларимиз ёмонлашганда, уларни доимий равишда мағлуб эта бошладик. Дерби бутун мавсум тақдирини ҳал қилмайди", – деди Малдини Италия ОАВга берган интервьюсида.

Ҳозирда "Интер" 24 очко билан турнир жадвалида биринчи ўринда бормоқда, "Милан" эса 22 очко билан учинчи ўринда жойлашган.