Анчелотти Бразилиянинг Тунис билан дурангини изоҳлади

Бразилия терма жамоаси сешанба куни ўтказилган ўртоқлик учрашувида Тунисга қарши ғалаба қозона олмади (1:1). Африка жамоаси ўйиннинг 23-дақиқасида ҳисобни очди, Бразилия эса биринчи бўлим охирида 18 ёшли Эстевaо Виллиан томонидан пенальтидан амалга оширилган аниқ зарба билан жавоб берди.

Иккинчи бўлимда томошабинлар голлар кўрмади. "Бу сафар Сенегалликлар билан ўйинга қараганда анча қийин бўлди.

Тунис паст даражадаги ҳимоя тактикаси билан ўйнади, бу эса ҳужумчиларимиз хусусиятларини инобатга олганда биз учун қулай эмас эди. Машғулот йиғинидаги иккинчи ўйинга тайёргарлик кўриш ҳар доим қийинроқ – футболчилардан биринчи ўйиндаги каби интенсивликни кутиш қийин.

Бундай қийин жадвалда жароҳатлар хавфи ҳар доим юқори бўлади", – деди Бразилия терма жамоаси бош мураббийи Карло Анчелотти Footmercato нашрига. Маълумки, италиялик мутахассис ёз бошида Мадриднинг "Реал" клубидан ўтиб, Бразилия бош мураббийига айланган эди.