Реал Мадрид футболчиси: Месси доим энг яхшиси

Мадриднинг "Реал" клуби вингери Франко Мастантуоно ўз кумири Лионел Месси ҳақида яна ўз фикрини билдирди. 18 ёшли аргентиналик футболчи бир неча бор Месси тарихдаги энг яхши футболчи эканлигини таъкидлаган, гарчи у "Барселона" билан чамбарчас боғлиқ бўлса ҳам.

"Мен "Реал"нинг, дунёнинг энг буюк клубининг мухлиси ман, лекин мен учун энг яхши футболчи ҳар доим Месси бўлган ва шундай бўлиб қолади. Миллий терма жамоада у билан бирга ўйнаш имконига эга бўлдим – бу ажойиб тажриба.

У ҳайратланарли футболчи. Ҳар сафар у тўпга тегса, сўзсиз қоласиз.

У билан анча вақтдан бери бирга ўйнаётганлар ҳам ҳануз уни қойил қолдиришдан тўхтамайди. Мен Леодан ўрганишга ҳаракат қиламан ва унинг ёрдами учун жуда миннатдорман", – деди Мастантуоно "El Larguero"га берган интервьюсида.

Мадриднинг "Реал" клуби янги футболчиси жорий йил ёзининг бошида Аргентина терма жамоаси сафида дебют қилган.