Мальдини Милан мавсуми ҳақида гапирди

Италиялик журналистлар Паоло Мальдинидан "Милан" жамоасининг янги бош мураббий Массимилиано Аллегри бошчилигидаги ўйинлари ҳақида фикр сўрашди. 2023 йил ёзининг бошида клубни унчалик ёқимли бўлмаган шароитларда тарк этган афсонавий собиқ футболчи "россонери" ҳақида гапириш унга бироз оғир эканлигини яширмади.

"Менга "Милан" ҳақида гапириш бироз қийин, аммо клубнинг ўтган йилга нисбатан турнир жадвалида яхшироқ ўринда эканлигидан хурсандман", - деди Мальдини pianetamilan.it нашрига берган интервьюсида. Эслатиб ўтамиз, жорий мавсумда "Милан" Италия чемпионатининг турнир жадвалида учинчи ўринда бормоқда.