Лапорта: Хавининг ҳаракатидан ажабланмадим

Барселона президенти Жоан Лапорта Хави ҳақида ўз фикрларини билдирди. Лапортанинг сўзларига кўра, собиқ сардор ва мураббийнинг мухолифат тадбирида қатнашгани уни ҳайрон қолдирмаган.

"Клуб президенти сайлови 15 мартдан 15 июнгача бўлган даврда ўтказилади. Тез орада аниқ санани белгилашни истайман.

Биз жамоага энг кам таъсир қиладиган вариантни танлашни хоҳлаймиз. Хавининг мухолифат тадбирида қатнашгани мени ажаблантирмади.

У Виктори Фонт билан аллақачон алоқада бўлган. Мен Фонт ёки бошқаларнинг сўзларини изоҳламайман, чунки бу ўз-ўзидан мен сайлов кампаниясига қўшилганимни англатади", – деди Лапорта Barca Universalга берган интервьюсида.

"Барселона" Ла Лига жадвалида иккинчи ўринда жойлашган.