ЖЧ-2026 биринчи саватча жамоалари аниқ бўлди

Жаҳон чемпионати – 2026 гуруҳ босқичи учун қуръа ташлашда биринчи саватчага тушадиган барча жамоалар маълум бўлди. Душанба куни Европанинг яна бешта терма жамоаси мундиал иштирокчилари рўйхатига қўшилди.

Шу тариқа, биринчи саватчага жойлашадиган 12 та жамоа аниқланди. Турнир мезбонлари АҚШ, Канада ва Мексика биринчи учта ўринни эгаллаган бўлса, Европани вакиллик қилувчи Испания, Англия, Нидерландия, Бельгия, Германия, Португалия ва Франция ҳам саватчадан жой олди.

Шунингдек, Жанубий Американинг анъанавий вакиллари – Бразилия ва Аргентина ҳам биринчи саватчага киритилди. Қуръа ташлаш 5 декабрь куни бўлиб ўтиши режалаштирилган.

Жаҳон чемпионати-2026 финал босқичи ўйинлари келаси йилнинг 11 июнидан 19 июлигача давом этади. Ҳозирга келиб, 48 иштирокчидан 39 таси аниқланган.

Тўлиқ рўйхат билан танишиш мумкин.