Манчестер Юнайтед юлдуз ҳимоячи учун курашади

Манчестер Юнайтед "Кристал Пелас" марказий ҳимоячиси Марк Гехини қўлга киритиш учун асосий даъвогарлардан бири сифатида кўрилмоқда. Англиялик футболчи жорий мавсум охирида клубини эркин агент сифатида тарк этади, чунки унинг шартномаси июл ойида якунга етади.

Журналист Нейтан Солтнинг хабар беришича, "қизил иблислар" "бурғутлар" сардори атрофидаги вазиятни диққат билан кузатиб бормоқда. Манчестер гранди 25 ёшли ҳимоячини жамоага таклиф қилишни жиддий кўриб чиқмоқда.

У Гарри Магуайр ўрнини эгаллаши мумкин, чунки Магуайрнинг шартномаси ҳам келаси ёзда тугайди. Марк Гехини ўз сафига қўшиш осон бўлмайди, чунки "Ливерпуль", Мадриднинг "Реал", "Бавария", "Барселона" ва бошқа йирик клублар ҳам футболчига қизиқиш билдирмоқда.