Valresultatet frå København varslar drama om borgarmeisteren

Statsminister Mette Frederiksen seier ho tek på seg ansvaret for det som ser ut til å bli det dårlegaste lokalvalet til sosialdemokratane i Danmark i nyare tid.

Valresultatet i København varslar drama om borgarmeisterjobben som Socialdemokratiet har halde i 122 år.

Det skriv kringkastaren DR.

Enhedslisten, som kan minne om Raudt her i Noreg, er størst, men har fått færre røyster enn ved det førre valet.

Sosialistisk Folkeparti er nest størst og har fått nesten 7 prosent fleire røyster enn ved sist val.

Socialdemokratiet har som venta fått mindre røyster enn ved valet i 2021.