Қазақстанда қар жауып, боран соғады
Синоптиктер 20, 21 және 22 қарашаға арналған ауа райы болжамын ұсынды, - деп хабарлайды Tengrinews.kz тілшісі.
Алдағы күндері Қазақстанның басым бөлігінде атмосфералық фронттардың өтуіне байланысты тұрақсыз ауа райы сақталады. Жаңбыр мен қар түріндегі жауын-шашын түсіп, солтүстік, орталық және шығыс өңірлерде боран мен көктайғаққа болады.
"Тек еліміздің оңтүстік-батысында, оңтүстігінде, 22 қарашада батысы мен солтүстік-шығысында антициклон жотасының әсерінен жауын-шашынсыз ауа райы күтіледі. Республика бойынша жел күшейіп, тұман болжанады", – деп хабарлады синоптиктер.
Температуралық фонда айтарлықтай өзгеріс күтілмейді, деп толықтырды Қазгидромет.
Сілтемесіз жаңалық оқисыз ба? Онда Telegram желісінде парақшамызға тіркеліңіз!