Ўзбекистонда Қозоғистон донини юклашда муаммолар кузатилмоқда
Ўзбекистон Қозоғистондан олиб келинаётган дон ортилган вагонларни тезкор равишда туширишга улгурмаяпти. Шу сабабли, айниқса, Қозоғистоннинг Туркистон вилоятидаги Сариоғоч станциясида вагонлар тўпланиши кузатилмоқда.
Бу ҳақда "АПК Янгиликлари" хабар берди. "Бу ҳолат вагонларнинг самарасиз тўхтаб қолишига олиб келмоқда, натижада Марказий Осиё йўналишидаги вагон айланиш вақти сезиларли даражада ошди", — дейилади Қозоғистоннинг "Астык Транс" юк ташиш компанияси пресс-релизида.
Шу сабабли, "Астык Транс" компанияси ноябрь ойида режалаштирилган баъзи юкларни кейинги ойларга кўчиришга мажбур бўлди. Компания маълум қилишича, улар вагонлар айланишини тезлаштириш, ташиш жадвалини барқарорлаштириш ва мижозларга етказилувчи таъсирни камайтириш учун барча имкониятларни ишга солмоқда.