Эндрик «Реал»ни тарк этишга яқин

Мадриднинг «Реал» клуби бразилиялик ҳужумчиси Эндрик Франциянинг «Лион» клубига ўтишга яқин турибди. Бу ҳақда журналист Экрем Конур хабар берди.

Манбаларига кўра, «Лион» 19 ёшли Эндрикни январ ойида ижарага олади. Шу билан бирга, футболчининг маошининг бир қисмини «Реал» ўз зиммасига олади.

Келишув шартларига кўра, Эндрик «Лион» сафида минимал ўйин сонини ўтказиши шарт бўлади. Агар футболчи жароҳат олса, «Реал» уни қайтариб олиши мумкин.

Жорий мавсумда Эндрик Ла Лига доирасида фақат бир ўйинда майдонга тушди ва самарали ҳаракатлари билан ажралиб тура олмади. «Реал» билан Эндрикнинг амалдаги шартномаси 2030 йилнинг ёзигача мўлжалланган.