Тиав: "Милан" клубини тарк этишни истамагандим

Германиялик ҳимоячи Малик Тиав Сандро Тонали йўлидан бориб, Италияни тарк этишга ва Англиянинг "Ньюкасл" клубига ўтишга қарор қилди. Тиавнинг сўзларига кўра, у Италия клуби "Милан"ни тарк этишни хоҳламаган, бироқ ўз фаолиятида ўзгаришлар қилиш зарурлигини ҳис қилган.

"Милан" – буюк клуб, қарор қабул қилиш мен учун осон бўлмади. Лекин бу янгиликни синаб кўриш вақти келган деб ўйладим. "Ньюкасл"дан таклифни эшитганимда, бу имкониятдан мамнун бўлдим", – деди Тиав pianetamilan.it сайтига берган интервьюсида.

Ҳозирда "Ньюкасл" Англия чемпионати жадвалида атиги ўн тўртинчи ўринни эгаллаб турибди. АПЛнинг навбатдаги турида "қарғалар" ўз майдонида "Манчестер Сити"ни қабул қилади.