Арсенал Барселонанинг трансфер режасини бузмоқчи
Маълумотларга кўра, "тўпчилар" футболчи учун 40 миллион евролик товон пулини тўлашга ва уни "Барселона"дан олдин қўлга киритишга қарор қилишган. Шунингдек, "Арсенал" Эённи мавсум охиригача ижара асосида "Леванте" сафида қолдиришни режалаштирмоқда.
Жорий мавсумда 22 ёшли камерунлик ҳужумчи Испания чемпионатида 12 та ўйинда майдонга тушиб, 6 та гол урди ва 3 та самарали узатма амалга оширди. Аввалроқ Москванинг ЦСКА клуби Эён учун 30 миллион евро таклиф қилгани ҳақида хабар берилган эди.