Кыргызстанда соңку күндөрү сасык тумоого чалдыккандар көбөйдү. Жугуштуу илдеттер ооруканасында бейтаптар палатага батпай, коридорго жатып дарыланууда. Саламаттык сактоо министрлиги соңку апталарда өлкө боюнча сегиз миңдей киши дарыгерлерге кайрылганын билдирди. Эпидемиологдор сасык тумоонун пандемияга тез айланган А түрү каттала баштаганын эскертишти.
