Лаутаро Мартинес Чемпионлар Лигаси тарихида иккинчи ўринда

Европа футболида Чемпионлар Лигаси гуруҳ босқичининг бешинчи тур учрашувлари бўлиб ўтди. Миланнинг "Интер" клуби Мадридга сафар қилди ва маҳаллий "Атлетико" жамоасига 1:2 ҳисобида мағлуб бўлди.

Ушбу ўйин Италия клубининг сардори, аргентиналик ҳужумчи Лаутаро Мартинес учун Чемпионлар Лигасидаги 62-учрашув бўлди. Шу кўрсаткич билан у "Интер" сафида Эстебан Камбьяссога етиб олди, чунки Камбьяссонинг ҳам ҳисобида 62 ўйин бор.

Энди фақат биргина аргентиналик футболчи - Хавьер Занетти ундан олдинда турибди. Занетти "Интер" сафида Чемпионлар Лигасида 97 учрашув ўтказган.

Эслатиб ўтамиз, Лаутаро Мартинес 2018 йилдан буён Милан клубида тўп суриб келмоқда.