Støre om familieinnvandring: – Ein kanal for innvandring til Noreg

Statsminister Jonas Gahr Støre (Ap) seier regjeringa vil stramme inn i innvandringspolitikken, særleg familiegjenforeining.

– Det er ein kanal for innvandring til Noreg. Den er for open, og den skal bli kontrollert betre, seier Støre i Politisk kvarter.

Støre peikar på meir migrasjonspress i Europa og seier asylinstituttet er under press.

– Vi forsvarar asylinstituttet, men det skal fungere etter intensjonen. No blir det brukt til andre formål enn det er meint for.

Måndag la statsminister regjeringa fram sin plan for perioden 2025–2029. Eitt av hovudpunkta i planen er strengare innvandring.