Черчесов Модрични профессионализм намунаси деб атади

«Ахмат» бош мураббийи Станислав Черчесов «Милан» ярим ҳимоячиси Лука Модрич ҳақида фикр билдирди. Мутахассис хорватиялик футболчига доимо алоҳида ихлос қилганини айтди.

Черчесовнинг сўзларига кўра, у Модрични 17 ёшлигидан бери кузатиб келади. «Модрич — ажойиб футболчи, у ҳанузгача мотивациясини йўқотмаган.

Модрич нафақат ноёб истеъдод, балки профессионализмнинг ёрқин намунаси», — дея мураббийнинг фикрларини «Спорт-Экспресс» нашри келтиради. Мураббий «Милан» мухлислари Модрични жуда тез ёқтириб қолганидан ҳам ажабланмаганини таъкидлади.

40 ёшли ярим ҳимоячи жорий йил ёзида Мадриднинг «Реал» клубидан эркин агент сифатида «Милан»га ўтди. «Россонери» сафида у А Серия ва Италия кубогида жами 17 учрашувда майдонга тушиб, 1 гол урди ва 2 та голли узатма берди.