Орлов Мбаппени Барселонанинг собиқ ҳужумчиси Анрига қиёслади

Спорт шарҳловчиси Геннадий Орлов Мадриднинг "Реал" клуби сафида тўп сураётган франциялик ҳужумчи Килиан Мбаппенинг савияси ҳақида фикр билдирди. Орлов "Радио Зенит" эфирида Мбаппени Тьерри Анрига қиёслади: "Мбаппе — жуда ёрқин футболчи.

Анри ҳам шунга ўхшарди: тезлиги бир хил, жойидан туриб ҳам рақибдан қочиб кетарди. Аммо бу йигит — улкан истеъдод!

Кейин нима бўлишини кўрамиз", деди у. 26 ёшли Мбаппе "қироллик клуби" сафига 2024 йил ёзида қўшилди.

Унинг "Реал" билан амалдаги шартномаси 2029 йил июн ойининг охиригача мўлжалланган. Футболчининг бозор қиймати 200 миллион еврога баҳоланмоқда.

Испания чемпионатининг жорий мавсумида Мбаппе 17 ўйинда майдонга тушиб, 17 гол урди ва 4 голли узатма амалга оширди.