Месси 2025 йилнинг энг яхши дарвозабонини номлади

Қатарда бўлиб ўтган FIFA The Best маросимида 2025 йилнинг энг яхши дарвозабони бўйича овоз бериш натижалари ҳам эълон қилинди. Сўровномада Аргентина ҳужумчиси, саккиз карра "Олтин тўп" соҳиби Лионель Месси ҳам қатнашди.

Месси биринчи ўринга Италия терма жамоаси ва Англиянинг "Манчестер Сити" клуби дарвозабони Жанлуижи Доннаруммани қўйди. Иккинчи ўринни аргентииналик Эмилиано Мартинес ("Астон Вилла") эгаллади.

Учинчи поғонага эса Мадриднинг "Реал" жамоасида тўп сураётган белгиялик Тибо Куртуа киритилди. Эслатиб ўтамиз, йил якунларига кўра ўтган йилнинг энг яхши дарвозабони сифатида ҳам Доннарумма эътироф этилганди.