«Интер» ҳимоячи де Врей билан музокараларни тўхтатди

Миланинг «Интер» клуби марказий ҳимоячиси Стефан де Врейнинг келажаги ҳануз ноаниқ. Нидерландиялик футболчининг амалдаги шартномаси жорий мавсум якунида ўз ниҳоясига етади.

Машҳур инсайдер Николо Скира хабарига кўра, томонлар ўртасидаги музокаралар ижобий якун бермаган ва ҳозирча муҳокамалар музлатилган. Шу боис де Врейнинг келаси ёзда жамоани тарк этиши эҳтимоли анча юқори.

Февраль ойида Стефан де Врей 34 ёшга тўлади. Таҗрибали марказий ҳимоячи бу мавсум «нерадзуррилар» сафида 7 учрашувда майдонга тушди, шундан 6 тасида Кристиан Киву уни асосий таркибда туширди.

Жума куни «Интер» Италия Суперкубоги ярим финалида «Болонья»га қарши баҳс олиб боради.