Татарстанда баш миенең РКТ һәм МРТ нәтиҗәләрен ясалма интеллект укый башлаячак
Татарстанда рентген компьютер һәм магнит-резонанс томографиясе сурәтләрен ясалма интеллект укыячак. Бу хакта ведомствоның йомгаклау матбугат конференциясендә ТР сәламәтлек саклау министры Альмир Абашев хәбәр итте.
«Республика радиология дата-үзәге ясалма интеллектның өч төрен куллана. Бу – флюорография, маммография һәм үпкәләрнең КТ сурәтләрен укыганда. РКТ һәм МРТны да укый башлау планлаштырыла», - диде сәламәтлек саклау министры.
Абашев табиб һәрвакыт ясалма интеллект эшен тикшерә, дип ышандырды. Ясалма фәһемгә тулысынча таяну тыела, чөнки тикшеренүләрнең 11 процент очрагында ул хаталар җибәрә.