Киву пенальтилар сериясини лотереяга қиёслади

Италия Суперкубогида Миланнинг ҳар икки клуби мусобақани тарк этди. «Интер» «Болонья»га қарши учрашувда дурангдан сўнг пенальтилар сериясида ёмонроқ ҳаракат қилиб, мағлуб бўлди.

Ўйиндан кейин «Интер» бош мураббийи, руминиялик мутахассис Кристиан Киву натижани изоҳлади. «Ўйиндан кейинги пенальтилар ҳар доим лотерея бўлган ва шундай бўлиб қолади.

Булар мураббий олдиндан аниқ белгилаб бера олмайдиган жиҳатлар. Лекин жамоага эътирозим йўқ: улар сифатли ва юқори жадалликда ўйнашди, мен доим шуни кўришни хоҳлайман», — деди Киву.

Энди Италия Суперкубоги финалида «Болонья» «Наполи»га қарши майдонга тушади.