Томас Франк «Ливерпул»га мағлубиятдан сўнг жамоаси билан фахрланди

«Тоттенҳем» бош мураббийи Томас Франк «Ливерпул»га қарши ўйинда (1:2) учралган мағлубият юзасидан фикр билдирди. Учрашувнинг 33-дақиқасида «шпорлар» бир футболчиси майдондон четлатилди.

Иккинчи бўлимда эса меҳмонлар сон жиҳатидан устунликдан унумли фойдаланиб, икки бор гол урди. «Мен жамоам билан фахрланаман.

Ўйинчилар юз фоиз кучини берди, характер кўрсатди, қийинчиликларга жуда яхши муносабат билдирди. Менимча, Симонсни майдондон четлатиш тўғри қарор эмасди.

Наздимда, бу эпизод сариқ карточка билан чекланиши керак эди. Биз ўйинда қолган эдик, яхши ҳимояландик, ҳужумни давом эттирдик, аммо кейин гол ўтказиб юбордик.

«Ливерпул»нинг иккинчи голи эса катта хато натижаси, у ҳисобга олинмаслиги керак эди», — дея Франкнинг сўзларини BBC келтирди. Навбатдаги омадсиз натижадан кейин «Тоттенҳем» Англия Премьер-лигаси турнир жадвалида 13-ўринга тушиб қолди.