Миңнеханов – муниципалитетларга: Барлык мәсьәләләрдә дә бергәләп эшләргә кирәк
Татарстан Рәисе Рөстәм Миңнеханов ТР Хөкүмәте йортында узган республика киңәшмәсендә төбәк белән идарә итү системасы өчен муниципаль хакимиятнең әһәмиятенә игътибар итте. Чараның видеоязмасын ТР Рәисе матбугат хезмәте урнашырды.
«2025 ел азагына якынлаша. Безгә эшкә йомгак ясарга һәм киләсе елга бурычлар билгеләргә кирәк», - диде Рөстәм Миңнеханов, киңәшмәне ачып җибәреп.
Татарстан Рәисе искәрткәнчә, 18 декабрьдә ТР Муниципаль берәмлекләр советының 20нче съезды узды. Советның рәисе итеп биш елга Әгъзам Гобәйдуллин яңадан сайланды.
«Без һәрвакыт муниципаль хакимияткә таяндык. Авыл, район һәм шәһәр дәрәҗәсе – безнең республиканың нигезе, без моны һәрвакыт истә тотабыз. Сез дә үзегезнең әһәмиятегезне белеп торырга тиеш. Шуңа күрә барлык мәсьәләләр буенча да бергәләп эшләргә кирәк», - дип ассызыклады Рөстәм Миңнеханов.