Жеррард Трентнинг "Реал"га кетишини тушунишини айтди

“Ливерпул”нинг собиқ футболчиси Стивен Жеррард мерсисайдликларнинг собиқ ҳимоячиси Трент Александер-Арнольднинг фаолиятини Мадриднинг “Реал” клубида давом эттириш қарори ҳақида фикр билдирди. Жеррарднинг айтишича, ҳар бир футболчи ўз карьера йўлини мустақил белгилашга ҳақли ва бундай қарорларни бир ёқлама баҳолаб бўлмайди.

“Мен ҳар қандай ўйинчининг ўз танловини қилиш ҳуқуқини тушунаман — бу унинг карьераси. Мен бундай қарорларни футбол нуқтайи назаридан ҳеч қачон қораламасдим.

У, эҳтимол, клуб тарихидаги энг яхши жамоалардан бирида ўйнади: жамоа АПЛни ютди, Чемпионлар лигасида ғалаба учун курашди. Унда мен бутун карьерам давомида орзу қилган ҳамма нарса бор эди.

Орқага назар ташласам, у мен уддалай олмаган нарсага эришганини тушунаман”, — дея Жеррарднинг сўзларини Liverpool Echo келтиради. Трент “Реал”га ўтгач, 16 та ўйинда майдонга тушди ва жамоадошларига 3 та голли узатма берди.