Татарстанда кар, буран һәм температураның кискен түбәнәюе көтелә

Бүген Татарстанда һава торышы сизелерлек начараячак һәм температура фоны кискен түбәнәячәк. Бу хакта ТР Гидрометеоүзәге хәбәр итә.

Төнлә кар һәм юеш кар явачак дип фаразлана, көндез явым-төшем дәвам итәчәк – аз күләмдә, кайбер урыннарда уртача кар, шулай ук юеш кар. Аерым районнарда буран һәм бозлавык булуы ихтимал.

Җил көньяк-көнбатыштан, көндез төньякка күчеп, секундына 5–10 метр тизлектә, кайбер урыннарда көчәйгәндә секундына 14 метрга кадәр исәчәк.

Төнлә һәм иртән минималь температура -2...-7 градус булачак, кичкә таба -12…-17 градуска кадәр түбәнәячәк, ә төньяк һәм көнбатыш районнарда -19…-24 градуска кадәр төшәргә мөмкин.

Юлларда бозлавык һәм кар боткасы, автомобильчеләргә сак булырга киңәш ителә.