Сёрлот янги клубидан йилига 12 млн евро сўради

Мадриднинг «Атлетико» клуби ҳужумчиси Александр Сёрлот жорий қишда жамоани тарк этиши мумкин. Аввалроқ Сёрлотнинг бош мураббий Диего Симеоне билан муносабатлари мураккаб экани ҳақида хабарлар чиққан эди.

Шунингдек, футболчига «Фенербахче» қизиқиш билдиргани ҳам айтилганди. Журналист Ягиз Сабунжуоғлу маълумотига кўра, Сёрлот турк клубига ўтишга очиқ.

Бироқ норвегиялик ҳужумчи янги жамоада жуда яхши маош олишни истагани сабабли «Фенербахче»дан йилига 12 миллион евро миқдорида маош сўраган. Жорий мавсумда 30 ёшли Сёрлот барча мусобақаларда 22 та ўйинда майдонга тушиб, 5 та гол урди ва 1 та голли узатма берди.