«Милан» Костич билан шахсий шартнома шартларини келишиб олди

Италиянинг «Милан» клуби ҳужумчи Андрей Костич билан шартнома имзолашга яқинлашди. Бу ҳақда инсайдер Фабрицио Романо ижтимоий тармоқлардаги саҳифаларида хабар берди.

Манбага кўра, томонлар шахсий шартнома шартларини аллақачон келишиб олган. «Милан» бонусларни ҳам ҳисобга олган ҳолда, черногориялик футболчи учун 5 миллион евро тўлаши кутилмоқда.

Ҳозирда 18 ёшли Костич Сербиянинг «Партизан» клубида тўп сурмоқда. Жорий мавсумдаги 27 ўйинда футболчи 9 та гол урди ва 3 та огоҳлантириш олди.

Аввалроқ «Милан» «Фенербахче» юлдузини асосий трансфер мақсади қилиб олгани маълум бўлганди.