Мессининг синглиси Мария Сол ЙТҲда жароҳат олди

Лионел Мессининг синглиси Мария Сол йўл-транспорт ҳодисасида жароҳат олди. Бу ҳақда The Sun нашри аргентиналик журналист Анхел де Бритога таяниб хабар берди.

Қайд этилишича, Солнинг ҳаётига ҳеч нарса таҳдид солмайди, бироқ унга узоқ муддатли реабилитация керак бўлади. Мария синишлар ва куйиш жароҳатларини олган.

3-январ куни Мария Сол турмушга чиқиши керак эди. ЙТҲ сабабли тўй бошқа санага кўчирилди.

Лионел Месси ҳозирда "Интер Майами" сафида ўйнайди. Яқинда аргентиналик футболчи фаолиятидаги 48-трофейини (MLS кубоги) қўлга киритиб, жаҳон рекордини янгилади.

Месси фаолияти давомида саккиз марта "Олтин тўп"ни ютган.