Politiet jaktar etter mann etter taxisjåfør blei slått i ansiktet

Ein drosjesjåfør i 50-åra skal ha blitt slått i ansiktet på Laksevåg.

Drosjen var på staden for å hente passasjerar. Då skal ein mann ha kome bort til taxien og slått drosjesjåføren i ansiktet.

Den mistenkte skal òg ha knust eit vindauge på drosjen og kasta stein på bilen. Han forsvann deretter frå staden.

Drosjesjåføren er ikkje alvorleg skadd, men har smerter i ansiktet. Sjåføren skal ikkje ha hatt kjennskap til den mistenkte mannen frå tidlegare.

Politiet leitar etter den ukjente gjerningspersonen.