Давиде Анчелотти Серия А аутсайдери "Пиза"ни бошқариши мумкин

Бразилиянинг "Ботафого" клубида ишлаган собиқ мураббий Давиде Анчелотти — афсонавий италиялик мутахассис Карло Анчелоттининг ўғли — Италия чемпионатида иш бошлаши мумкин. Gazzetta dello Sport журналистлари маълумотига кўра, 36 ёшли мураббий хизматларига Серия А вакили "Пиза" қизиқиш билдирмоқда.

Клуб раҳбарияти жамоани ёш мутахассисга ишониб топширишга тайёр. "Пиза" Италия чемпионатининг жорий мавсумида аутсайдерлардан бири ҳисобланади.

Жамоа 16 та ўйиндан сўнг 11 очко тўплаган ва турнир жадвалида охиридан биринчи ўринда бормоқда. "Пиза" Серия Адаги навбатдаги учрашувини 27 декабрь куни ўз майдонида Турин "Ювентус"ига қарши ўтказади.