Компани Англияда 13 йил қишки танаффус бўлмаганини айтди

«Бавария» бош мураббийи Венсан Компани Англияда Рождество ва Янги йил давридаги тиғиз тақвим ҳақида фикр билдирди. «Англияда 13 йил давомида менда қишки танаффус ҳам, таътил ҳам бўлмаган.

Бу даврда Англиядаги футболчилар учун ҳаммаси одатдагидек давом этади. Ўйинлар сони ҳатто кўпаяди ва шундай тарзда жаҳон чемпионатигача давом этади.

Бир пайтлар бутун йил давомида атиги олти кун дам олганман», — дея Компанининг сўзларини Reddit келтирди. «Бавария» қишки таътилга Германия Бундеслигаси турнир жадвалида ишончли пешқадам бўлиб йўл олди.

Мюнхенликлар иккинчи ўриндаги Дортмунднинг «Боруссия»сидан тўққиз очко (41 га 32) олдинда бормоқда.