«Барселона» ҳимояни кучайтириш учун яна бир вариант топди

«Барселона» қишки трансфер ойнасида марказий ҳимояни кучайтириш вариантларини ўрганишда давом этмоқда. «Кўк-анорранглилар» «ҳамёнбоп» нархдаги муносиб янги футболчини топишга умид қилмоқда.

Diario SPORT хабарига кўра, Ла Лига гранди эътиборига Берлиннинг «Унион» клубида тўп сураётган Диогу Лейте тушди. Португалиялик футболчи талабларга мос келади ва январ ойида трансфер қилиниши мумкин.

23-январ куни Диогу Лейте 27 ёшга тўлади. Унинг «Унион» билан шартномаси жорий мавсум якунлангач тугайди.

Transfermarkt мутахассислари футболчининг қийматини 12 млн евроға баҳоламоқда. Лейте Португалия терма жамоасига икки марта чақирилган, бироқ миллий жамоа сафида ҳали дебют қилмаган.