Мбаппе 2026 йилги «Олтин тўп»га асосий даъвогар бўлди

«Реал» ҳужумчиси Килиан Мбаппе 2026 йил якунларига кўра «Олтин тўп»ни қўлга киритиш учун асосий фаворит ҳисобланади. Score 90 портали маълумотига кўра, франциялик форвард мукофот учун пойгада етакчилик қилмоқда.

Иккинчи ўринда «Манчестер Сити» футболчиси Эрлинг Холанн, учинчи поғонада эса «Барселона» вакили Ламин Ямал қайд этилган. Асосий даъвогарлар бешлигига, шунингдек, «Бавария»дан Гарри Кейн ва «Арсенал»дан Деклан Райс ҳам кирган.

Эслатиб ўтамиз, ўтган йил якунларига кўра «Олтин тўп»ни «ПСЖ» ҳужумчиси Усмон Дембеле қўлга киритган. Жорий мавсумда Килиан Мбаппе «Реал» сафида барча мусобақаларда 27 та ўйинда майдонга тушиб, 30 та гол урди ва 5 та голли узатма берди.