Булыкин Кварацхелия ҳали чўққисига чиқмади, деди

Собиқ футболчи Дмитрий Булыкин жорий мавсумда «ПСЖ»нинг грузиялик вингери Хвича Кварацхелиянинг ўйинлари ҳақида фикр билдирди. «У ҳали чўққисига чиқмади.

Умид қиламиз, ҳали чиқади. Ҳозирча бу ундан кутилаётган даража эмас.

Унинг “Олтин тўп”га даъвогарлар учлигига киришини ёки шунга ўхшаш натижани кўришни истаймиз», — дея эксперт сўзларини Legalbet келтиради. Жорий мавсумда Кварацхелия барча мусобақаларда парижликлар сафида 21 ўйинда майдонга тушиб, 6 та гол ва 5 та голли узатма қайд этди.

Transfermarkt грузиялик футболчини 90 млн евроға баҳоламоқда. 4-январ куни «ПСЖ» Лига 1нинг 17-турида «Париж»га қарши ўйин ўтказади.