Лебёф Мбаппе Зидан даражасига ета олмаслигини айтди

Франция терма жамоасининг собиқ футболчиси Франк Лебёф икки ватандоши — Мадриднинг «Реал» клуби ҳужумчиси Килиан Мбаппе ва «қаймоқранглилар»нинг собиқ футболчиси Зинедин Зиданни таққослади. Мутахассис фикрича, Зиданнинг даражаси шу қадар юқорики, Мбаппе унга ета олмайди.

«Албатта йўқ, уларни солиштириб бўлмайди. У ҳеч қачон Зиданга етиб ололмайди ва, эҳтимол, ҳеч ким унга етиб ололмаса керак», — Лебёфнинг сўзларини Goal келтиради.

Зинедин Зидан 2006 йилда футболчилик фаолиятини якунлаган. «Реал»дан ташқари, француз «Ювентус» ва «Бордо» клубларида ҳам ўйнаган.

У Италия чемпионатининг икки карра ғолиби ва Испания чемпиони ҳисобланади. Франция терма жамоаси сафида Зидан 1998 йилда жаҳон чемпионлигини қўлга киритган.