"Реал" Германия терма жамоаси ҳимоячисини асосий мақсадлардан бири сифатида кўрмоқда

Дортмунднинг "Боруссия" клуби марказий ҳимоячиси Нико Шлоттербек Мадриднинг "Реал" жамоасига потенциал янги футболчи сифатида кўрилмоқда. 26 ёшли футболчи "қаймоқранглилар" марказий ҳимояни кучайтириш учун асосий номзодлар рўйхатининг юқори қисмида турибди, деб хабар бермоқда Madrid Universal.

Германия терма жамоаси аъзоси бўлган Шлоттербекнинг "Боруссия" билан амалдаги шартномаси 2027 йилнинг ўрталарида якунланади, бироқ у уни узайтириши даргумон. Шу сабабли, Дортмунд клуби уни аллақачон ёзги трансфер ойнасида сотишга мажбур бўлиши мумкин.

Нико Шлоттербекка "Бавария", "Барселона" ва бошқа европалик гранд клублар ҳам қизиқиш билдирган. Transfermarkt мутахассислари дортмундликлар ҳимоячисининг нархини 55 миллион евро деб баҳоламоқда.