"Реал" Конате, Гехи ва Упамеканони сотиб олишни режалаштирмаяпти

"Реал" Мадрид раҳбарияти Антонио Рюдигер ва Давид Алабанинг клубдан кетиши эҳтимоли сабаб ҳимоя марказини кучайтиришни кўзламоқда. ESPN хабарига кўра, мадридликлар "Ливерпул" футболчиси Ибраима Конате ва "Бавария" ҳимоячиси Дайо Упамеканони трансфер қилиш ниятида эмас.

Шунингдек, "Реал" Англия терма жамоаси ва "Кристал Пэлас" ҳимоячиси Марк Гехи учун ҳам кескин кураш олиб боришни режалаштирмаяпти, чунки у билан "Ливерпул" аллақачон дастлабки келишувга эришган. Жорий мавсумда "Реал" Испания чемпионатида 42 очко билан иккинчи ўринда бормоқда.

Хаби Алонсо жамоаси етакчи "Барселона"дан тўрт очкога ортда қолмоқда.