Пеллегрини узоқ муддат сафдан чиқиб қолиши мумкин

Италиянинг "Рома" клубининг етакчиларидан бири 24 декабр, католик Рождествоси арафасида бўлиб ўтган оддий машғулот пайтида жароҳат олди. Sky Sport хабарига кўра, зарарсиз кўринган чўзилиш жароҳати футболчининг анча узоқ вақт майдонга туша олмаслигига олиб келиши мумкин.

Пеллегрини сафга фақат бир ойдан кейин қайтиши эҳтимоли бор. У Жан Пьеро Гасперини жамоасининг яқин ўйинларини аниқ ўтказиб юборади.

Жамоа душанба куни "Дженоа"га қарши майдонга тушади, сўнг янги йилнинг биринчи ҳафтасида А Серия доирасида кетма-кет икки учрашув ўтказади: аввал "Аталанта" билан, кейин эса "Лечче"га қарши. Ҳозир римликлар А Серияда тўртинчи ўринда бормоқда.