Каррагер: "Манчестер Юнайтед" кучли тўртликка кирмайди

«Ливерпул»нинг собиқ ҳимоячиси Жейми Каррагер Англия Премьер-лигасининг жорий мавсумида «Манчестер Юнайтед»нинг имкониятларини баҳолади. Ўтган мавсумда Рубен Аморим жамоаси 15-ўринни эгаллади ва еврокубоклардан четда қолди.

«Мен уларнинг кучли тўртликда якунлашига ишонмайман, аммо улар еврокубокларга чиқиши керак. Ўтган мавсум муваффақиятсиз бўлгани учун талаблар анча пасайиб кетди.

Ёзда клуб трансферларга салмоқли маблағ сарфлади. Улар ҳозир жадвалда турган ўринда бўлиши ва еврокубоклар учун курашиши керак, аммо Чемпионлар лигасига йўлланма олиш жуда қийин вазифа», — дея Каррагернинг сўзларини келтиради United Stand.

Айни дақиқаларда «қизил иблислар» ўз майдонида «Ньюкасл»га қарши ўйин ўтказмоқда. LiveResult.ru портали матнли трансляция олиб бормоқда.