Луи Саа "Манчестер Юнайтед"га Роджерсни олишни тавсия қилди

“Манчестер Юнайтед”нинг собиқ футболчиси Луи Саа клубга таркибни кучайтириш бўйича маслаҳат берди. Саа фикрича, “қизил иблислар” “Астон Вилла”нинг ҳужумкор ярим ҳимоячиси Морган Роджерсни трансфер қилиши керак.

“Менимча, ‘Манчестер Юнайтед’га ярим ҳимояда ижодкорликни алангалатиб юборадиган футболчи керак. Фернандеш ва Маунтдан ташқари, ижодкорликда тезлик ҳам зарур.

Роджерс нафақат ўйинни олдинга силжитиши, балки прессингга бардош бериши ва тўпни ушлаб туриб, бошқа футболчиларга позициялар бўйлаб жой алмашиш учун вақт бериши мумкин, деб ҳисоблайман. ‘Юнайтед’га айнан шундай футболчи керак.

Мен Роджерсни орзудаги трансфер сифатида кўраман”, — деди Саа FootItalia нашрига. Ҳозирда “Манчестер Юнайтед” АПЛ турнир жадвалида еттинчи ўринда бормоқда.