Роналду «Ал-Наср» етакчилиги ҳақида: мавсум ўртасида чемпион бўлиб бўлмайди, деди

«Ал-Наср» ҳужумчиси Криштиану Роналду чемпионатдаги навбатдаги ишончли ғалабадан сўнг жамоасининг турнир жадвалидаги ҳолати ҳақида фикр билдирди. Бу ҳақда euro-football.ru хабар беради.

Ар-Риёд клуби 11-тур учрашувида «Ал-Аҳдуд»ни 3:0 ҳисобида йирик мағлуб этди, Роналду эса дубл қайд этди. Ўн учрашув натижасига кўра «Ал-Наср» 30 очко жамғариб, лига жадвалида якка пешқадам бўлиб турибди. Португалиялик футболчи жамоа тўғри йўлда кетаётганини таъкидлади, бироқ ҳозирча бўшашишга эрта эканини ҳам қўшиб ўтди.

«Биз шу руҳда давом этишимиз керак. Ҳеч ким мавсум ўртасида чемпион бўлиб қолмайди. Олдинга юришда давом этамиз», — дея Роналду сўзларини A Bola келтирди.

Унинг айтишича, ғалабадан кейинги ижобий кайфиятга қарамай, кейинги учрашувга тайёргарлик эртаси кунийоқ бошланади.