Пирс Морган Роналдунинг навбатдаги дублига муносабат билдирди
Британиялик телебошловчи Пирс Морган Саудия Арабистони чемпионатида Криштиану Роналдунинг яна бир сермаҳсул ўйинидан сўнг фикр билдирди. Бу ҳақда euro-football.ru хабар беради.
"Ал-Наср" ҳужумчиси "Ал-Охдуд"га қарши учрашувда икки бор рақиб дарвозасини ишғол қилди. Морган Роналду қаерда ўйнамасин, мунтазам гол уриш одатини сақлаб келаётганини таъкидлади.
"У ҳеч қачон гол уришни тўхтатмайди. Дунёнинг исталган нуқтасида, исталган жамоада", — деб ёзди Морган.
Шунингдек, у тарихдаги энг буюк футболчи ҳақидаги баҳслар давом этиши мумкинлигини, бироқ энг сермаҳсул ва энг барқарор тўпурар масаласида унинг шубҳаси йўқлигини қўшимча қилди.