Артета топ-3 даги «Астон Вилла» кучини эътироф этди

Лондоннинг «Арсенал» клуби бош мураббийи Микел Артета навбатдаги рақиб — АПЛнинг юқори поғоналарида кетаётган «Астон Вилла» ҳақида фикр билдирди. Бу ҳақда euro-football.ru хабар беради.

Мутахассис Унаи Эмери қўл остида бирмунча барқарор ўйин намойиш этаётган бирмингемликлар бу натижаларга лойиқ эканини таъкидлади. Артета «Астон Вилла» майдонда юқори савияни кўрсатаётгани ва шу боис олқишга муносиблигини айтди.

Ҳозирда «Арсенал» АПЛ жадвалида 42 очко билан пешқадам. «Астон Вилла» эса 39 очко жамғарган ҳолда учинчи ўринда бормоқда.

Жамоалар 30 декабр, сешанба куни Лондонда ўзаро баҳс ўтказади. Учрашув 01:15 да (Тошкент вақти билан) бошланади.