Паулу Барбоза Сафонов ПСЖ дарвозасига лойиқ деди
Машҳур футбол агенти Паулу Барбоза россиялик дарвозабон Матвей Сафоновнинг франциянинг ПСЖ клубидаги ўйинлари ҳақида фикр билдирди. Бу ҳақда euro-football.ru хабар беради.
Аввалроқ Le Parisien нашри Сафоновни декабрь ойи якунларига кўра ПСЖнинг энг яхши футболчиси деб эътироф этганди.
Барбоза фикрича, Сафонов ПСЖнинг асосий дарвозабони бўлишга муносиб: у ҳатто адолатсиз равишда майдонга тушмай қолган пайтларида ҳам сабр қила олишини кўрсатди ва энди унинг имконияти келгани барчага аён.
Жорий мавсумда 26 ёшли Сафонов барча мусобақаларда тўртта учрашувда қатнашди, учта гол ўтказиб юборди ва икки бор дарвозасини дахлсиз сақлаб қолди.
Россиялик футболчининг парижликлар билан амалдаги шартномаси 2029 йилнинг ўрталаригача мўлжалланган.